喵奴大大話話都買過6-7部空氣清新機，有大有細，就連車廂內🚘都有部。其實車廂內嘅空氣係最惡劣，因為馬路太多廢氣😶🌫️，好容易走入車廂中，廢氣再經冷氣隔塵網不停噴返出嚟，變成惡性循環🦠，大家就喺車內不停吸廢氣，真係「連呼吸都係錯😵💫」！
最近我喺商場搭升降機時見到有部空氣清新機掛喺天花，忍唔住上網睇睇佢嘅spec，覺得太啱我喇！即刻入手！
🎉佢就係Airgle嘅AG25空氣清新機啦。
我一開始係睇中佢細細部，又夠晒薄，原來佢只有70mm高, 241mm闊, 241mm深，淨重只係1.5kg，放喺書房📚或琴檯🎹上面完全唔阻掟，放喺車廂內🚗都可以，仲非常美觀呢！
打開包裝盒
磨砂黑面，高貴而型格
背面
側面
另一面輕輕一按，濾網格就會彈出
駁上電源再輕按Power位，著紅燈就代表開始過濾
講完外型，就到重頭戲 - 過濾功能啦。
結合三重過濾及殺菌技術：
🍀H14級「cHEPA」及「特級活性碳」過濾技術：
可以迅速過濾99.999%小至0.003微米有害微粒，如粉塵、花粉🌸、煙霧、塵蟎、霉菌孢子、動物皮屑、細菌及病毒🦠(新冠病毒的大小為0.1微米)等污染物，亦能過濾冷氣系統釋出的霉菌、灰塵及塵蟎等多種空氣污染物。
🍀特級活性碳技術
Airgle特級活性碳濾網可以吸附喺皮革、塑膠同纖維紡纖釋放嘅煙霧、異味和其他揮發性的有機化合物，有效降解室內或車內空氣污染。
🍀美國專利光觸媒UVC殺菌技術
AG25更配置Airgle研發全球第一款『光觸媒+UVC』組件，組件表面塗有二氧化鈦(光觸媒)，可以去除空氣中的細菌、病毒、甲醛、VOC等有機化合物，在紫外線UVC燈光的照射下🔦，形成具有強氧化性的羥基自由基，可將小於0.01微米嘅污染物被轉換成無害物質，持續殺滅細菌同病毒，效能高達99.999%。
Airgle AG25 特色：
⭐️細小機身，輕巧易攜
Airgle AG25非常輕巧，附有12V汽車煙頭充電器：一開車AG25就會自動開啟，熄車就會跟住熄，夠晒方便。另外仲有座椅背帶，可以將機身掛喺椅背，安裝仲非常方便，喵奴一個人都可以輕鬆完成。
⭐️旅行/ staycation必備
AG25配備全球通用電壓 (100-240V)，去邊個國家都啱用。宜家冇得飛，好多人都會選擇去酒店staycation，不過酒店好多都係中央冷氣，空氣質素可想而知。帶埋AG25去，可確保一家人吸到清新空氣，瞓都瞓得健康啲。
左：全球通用電壓
右：12V汽車煙頭充電器
⭐️延長淨化，加倍潔淨
為使你每次進入車廂時能呼吸到清新空氣，AG25設有「自動延長淨化」功能，當停車熄匙後，空氣清新機仍會繼續運作一段時間然後自動關閉，讓車廂時刻保持潔淨空氣。（如需啟動此項功能建議去車行搵專業人士將電源接駁至汽車電池丫。）
⭐️設有安全保護裝置
AG25內置高溫保護裝置，當室內溫度高於45°C，就會自動切換至待機狀態並停止運作；當溫度回復正常，機器會重新開啟。另外佢亦內置電壓保護裝置，當電壓低於12V時，機器會即時停止運作，以確保安全運作。
喵奴試過將AG25放過喺書房📚、睡房🛌同埋車內🚗各一星期，真心覺得買過咁多部空氣清新機，佢係最令我滿意💯！
喵奴書房有好多書，所以灰塵都幾勁🦠，貓毛🐱更加避唔到，將AG25放入書房唔使一個鐘，已經覺得房中冇晒噏味（多書嘅朋友應該明白係咩味），仲好明顯見到啲貓毛依附咗喺機上，用毛巾輕輕一抹就抹走AG25表面嘅貓毛同灰塵，公子們👦🏻喺房中睇書或者練琴都唔怕吸入灰塵／貓毛啦。
書房/琴房
有鼻敏感嘅羅宋湯喺睡房瞓，成日到晚上零晨就會打噴嚏，但自從將AG25放入睡房後，佢真係冇再乞痴喇！實在太神奇啦！即刻想揼咗房中大大部嘅國產空氣清新機哈哈！
睡房(其實都有好多書哈哈)
最近我再將AG25掛喺車廂內睇吓個分別。喵奴之前都有裝過其他牌子嘅空氣清新機，但效果不大，車廂內仍然會有異味🤢，有時揸揸吓車仲會見到車內嘅懸浮灰塵😶🌫️，但裝咗AG25後，一開車就會聽到「叮叮叮」清脆嘅開關聲，好快就唔再聞到車嘅異味，第一日掛AG25揸去學校接哥哥放學，佢一上到車就問我「媽咪點解架車乾淨咗嘅？」原來佢平時喺車度都見到有塵飛來飛去，但裝咗AG25後我揸咗20分鐘到學校，已經可以將車內嘅廢氣吸走，連肉眼見到嘅灰塵都吸走埋。小朋友玩完喺車瞓幾耐都唔怕佢哋會吸到廢氣啦！
Airgle AG25細細部，但功能非常強大，嚟緊政府發放消費券，用嚟買AG25保護家人健康就最適合！
文章轉載自金寶湯與羅宋湯
Facebook: www.facebook.com/catsnbaby
Comments